Inicio
 
     
Actualidade
Aberto o prazo de inscripcion para o Curso de Prevención de Riscos Laborais
Escrito por UGT   
lunes, 23 de septiembre de 2019

 CURSO DE PREVENCIÓN DE RISCOS LABORAIS

 

 UGT organiza na cidade da Coruña un curso de prevención de riscos laborais dun total de 50 horas de duración.

 Características do curso: Consiste nunha actividade formativa de carácter presencial e sen custe para o alumnado.  

 Datas de celebración: do 14 ao 25 de outibro (horario por definir, mañá ou tarde).

 Destinatarios: O curso está aberto a traballadores/as en activo,   desempregados/as, autonomos e estudantes. 

 O  curso celebrarase na sede de UGT Coruña na rúa Fernández la Torre, 27, 1º andar. 

 Máis información e inscripcións:

 Unión Intercomarcal Coruña-Cee

 R/ Fernández Latorre, nº 27. 15006 - A CORUÑA

 Teléfono: 981 24 11 22

Email: Esta dirección de correo electrónico está protegida contra los robots de spam, necesita tener Javascript activado para poder verla
Modificado o ( lunes, 23 de septiembre de 2019 )
 
UGT insta a sumarse á Folga Mundial polo Clima
Escrito por UGT   
lunes, 23 de septiembre de 2019

UGT insta a sumarse á Folga Mundial polo Clima
UGT insta a sumarse á Folga Mundial polo Clima
 

Os recentes informes sobre o estado da biodiversidade do IPBES, que sinalan que preto dun millón de especies entre animais e plantas atópanse ao bordo da extinción como consecuencia das actividades humanas, e do informe do IPCC sobre o incremento da temperatura media global en 1,5 º C, alertan da deterioración dun gran número de ecosistemas, tanto terrestres como mariños, así como do punto de non retorno fronte ao cambio climático.

 A humanidade enfróntase a un dos seus maiores retos: a crise climática. Unha crise, consecuencia directa do modelo de produción extractivista e consumo globalizado actuais, que pon en risco a nosa propia supervivencia e a dun gran número doutras especies e ecosistemas e impacta de maneira inxusta especialmente nas poboacións máis empobrecidas e vulnerables do mundo. Non responder con suficiente rapidez e contundencia á emerxencia climática e civilizatoria supoñería a morte e/ou o malvivir de millóns de persoas, ademais da extinción de moitas especies e, mesmo, de ecosistemas completos.

Modificado o ( lunes, 23 de septiembre de 2019 )
Leer más...
 
UGT chama á cidadanía galega a mobilizarse os días 18 e 20 contra a violencia contra as mulleres
Escrito por UGT   
martes, 17 de septiembre de 2019
UGT chama á cidadanía galega a mobilizarse os días 18 e 20 contra a violencia contra as mulleres

UGT chama á cidadanía galega a mobilizarse os días 18 e 20 contra a violencia contra as mulleres

UGT chama á cidadanía a que participe nas mobilizacións convocadas nas cidades e vilas galegas os vindeiros días 18 e 20 de setembro contra o violencia contra as mulleres. 

Lacra que, lonxe de remitir, tense agudizado dun xeito cruel durante o período estival e cuxo último caso viviuse en Valga este luns no que foron asasinadas tres mulleres a mans da ex parella dunha das vítimas. O asasino tamén arremeteu contra a nai e irmá da súa ex parella, acabando coa vida de ambas, e deixando a dous rapaces totalmente desprotexidos.

UGT reclama que se redobren todos os esforzos contra unha lacra que resulta intolerable e que hai que atallar xa de raíz. 

Por todo isto, o Sindicato chama á cidadanía a participar nas mobilizacións convocadas en Galicia o día 18, contra o triple asasinato de Valga, e o día 20 nas noites violetas de emerxencia feminista contra as violencias machistas.

Modificado o ( lunes, 23 de septiembre de 2019 )
 
UGT inaugura na Coruña a exposición "130 anos de loita e conquistas" para conmemorar os 130 anos da
Escrito por UGT   
miércoles, 03 de julio de 2019

UGT inaugura na Coruña a exposición "130 anos de loita e conquistas" para conmemorar os 130 anos da fundación do Sindicato

 

UGT inaugura na Coruña a exposición "130 anos de loita e conquistas" para conmemorar os 130 anos da fundación do Sindicato

 

Este martes, día 2 de xullo, os secretarios xerais de UGT-Coruña-Cee José Carrillo e de UGT-Galicia José Antonio Gómez, xunto coa a alcaldesa da Coruña, Inés Rey, inauguraron no Centro sociocultural Ágora, a exposición itinerante "130 anos de loita e conquistas" para conmemorar os 130 anos da fundación do Sindicato.

Esta exposición está a percorrer toda a xeografía española, incluídas varias cidades e vilas galegas. Na Coruña permanecerá aberta ao público ata o día 30 de xullo no mesmo horario de apertura do Ágora.

A mostra conta con 14 paneis históricos e 6 temáticos que recollen os períodos máis significativos da longa traxectoria de UGT, repasando acontecementos de loita obreira e as reivindicacións por un mundo máis xusto que o Sindicato sempre defendeu. Inclúese finais do século XIX, a ditadura de Primo de Rivera, a II República, a Guerra Civil, a clandestinidade e o exilio pola ditadura franquista, a chegada da democracia, a legalización do Sindicato, os anos 80 e alcánzanse os anos de desavenencias de principios dos 90. A exposición finaliza coa etapa máis moderna, cos novos retos sociais, as alternativas para saír da crise e a recuperación de dereitos laborais.

Modificado o ( lunes, 23 de septiembre de 2019 )
 
UGT-Galicia propón un plan de choque polo emprego e mellorar a empregabilidade das persoas en paro
Escrito por UGT Coruña Cee   
jueves, 09 de mayo de 2019

UGT-Galicia propón un plan de choque polo emprego e mellorar a empregabilidade das persoas en paro

O Sindicato denuncia que o peso dos contratos a tempo parcial ou temporais ocupa cada vez maior parte do mercado laboral


Aínda que o paro baixa, propio deste mes, despois das contratacións de Semana Santa e xa o comezo das contratacións do verán, é dicir, de novo un claro comportamento estacional, a UGT-Galicia preocúpalle moito o peso dos contratos a tempo parcial e os temporais, así como, o elevado volume de desemprego estrutural, de longa duración, sen dereito a prestacións, consecuencia da ausencia histórica das políticas de emprego axeitadas.

O Sindicato considera que o Goberno que se configure tras as recentes eleccións, así como a Administración galega dentro das súas competencias, deben configura un plan de choque polo emprego con carácter inmediato para establecer medidas vinculadas á preservación do medio ambiente, como a limpeza das ribeiras dos ríos, os bosques e as costas. Ademais de profundar na protección ás persoas, fortalecer o papel dos servizos públicos de emprego e mellorar a empregabilidade das persoas no desemprego.

Así, en Galicia contráese o paro no mes de abril un 2,7%, evolución similar con respecto ao que sucede no Estado, no que cae tamén o 2,8%. Temos 166.226 persoas desempregadas en Galicia, 4.615 menos que no mes anterior. No Estado hai 3.163.566 persoas desempregadas, unha contracción no mes de 91.518 persoas.

Se temos en conta a variación interanual, hai en Galicia unha contracción do 8,8%, 16.065 persoas desempregadas menos e neste caso cunha contracción moito maior que na media estatal, onde foi do -5,2% (172.302 menos).

Modificado o ( viernes, 10 de mayo de 2019 )
Leer más...
 
MANIFESTACIÓN 1 DE MAIO
Escrito por UGT Coruña Cee   
jueves, 02 de mayo de 2019

Milleiros de persoas saíron ás rúas galegas para reclamar que se mire ás necesidades das persoas e un cambio de políticas que fagan fronte ás necesidades sociais

Foto de Ugt A Coruña.

Milleiros de persoas, convocadas por UGT e CCOO, saíron ás rúas das cidades evilas galegas para celebrar este Primeiro de Maio. A cidadaníagalega demandou nesta data que “Primeiro as persoas” e a necesidade de que o novo Goberno acometa un cambio de políticas co obxecto de garantir máis dereitos, máis igualdade e máis cohesión.

Os secretarios xerais do S.N. de CCOO de Galicia e de UGT-Galicia, que participaron na manifestación da Coruña, consideran que chegou o momento de situar as persoas á cabeza de todo. Foron moitos anos de crise nos que os traballadores etraballadoras deste país foron as grandes vítimas dunha situaciónque non xeraron, con recortes e perda continua de dereitos. Agora chegou o momento de esixir que se restitúan estes dereitos e que as persoas sexan o centro de todas as políticas.

Chegou o momento de garantir o emprego de calidade e a derrogación das reformas laborais de 2010 e 2012, que tanto dano causaron. Urxe un modelo de relacións laborais máis democrático, moderno e eficiente que potencie a contratación indefinida e salarios dignos, o que esixe apostar polo diálogo social e devolverlle á negociación colectiva o seu papel central. Tamén hai que perseguir e sancionar todas a formas de precariedade e loitar contra a fraude nas plataformas dixitais, establecer un estatuto das prácticas non laborais, regular a subcontratación e duplicar a dotación para as políticas activas de emprego...

Modificado o ( viernes, 10 de mayo de 2019 )
Leer más...
 
A sinistralidade laboral sube en Galicia no último ano un 2,39%
Escrito por UGT Coruña Cee   
jueves, 25 de abril de 2019

A sinistralidade laboral sube en Galicia no último ano un 2,39%  e nos dous primeiros meses de 2019 os accidentes mortais incrementáronse nun 125%A sinistralidade laboral sube en Galicia no último ano un 2,39% e nos dous primeiros meses de 2019 os accidentes mortais incrementáronse nun 125%

 

UGT conmemora este 28 de abril, Día internacional da saúde e seguridade no traballo, baixo o lema “Traballos tóxicos. 28A: toma o control. Esixe un traballo sen riscos”

Un ano máis, este 28 de abril, convértese nunha data na que os sindicatos van alzar a súa voz en lembranza e recoñecemento público de todas as persoas traballadoras vítimas dun accidente laboral ou dunha enfermidade profesional. Esta data tamén serve para denunciar e poñer en evidencia que os danos derivados do traballo son evitables e que tanto as empresas como as administracións teñen grandes responsabilidades nesta materia. No 2019, o 28 de abril UGT o celebra baixo o lema “Traballos tóxicos. 28A: Toma o control. Esixe un traballo sen riscos”.

23 anos despois da publicación da Lei de prevención de riscos laborais, constátase que gran parte dos seus obxectivos están aínda pendentes. Esta situación de incumprimentos agudizouse polas políticas de axuste impostas polos gobernos do PP en Madrid e en Galicia, sobre todo, pola reforma laboral.

De feito, dende o 2013, coincidindo coa entrada en vigor da Reforma Laboral, Galicia sufriu un constante incremento da sinistralidade laboral. Neste período faleceron 317 traballadores en accidente de traballo en Galicia, presentando esta Comunidade no 2018 un índice de incidencia de accidentes mortais un 86% superior á media do Estado.

2018 supuxo o quinto ano consecutivo de incremento da sinistralidade laboral en Galicia, cun aumento dos accidentes no traballo entre 2013 e 2018 dun 24,90%. E o 2019, segundo os últimos datos dispoñibles referidos aos meses de xaneiro e febreiro, arranca coa mesma tendencia, con 4.574 accidentes rexistrados, fronte aos 4.449 do 2018 neste mesmo período, o que representa un incremento do 2,80%. Os graves increméntanse nun 8,82% ao pasar de 68 a 74, e os mortais increméntanse nun 125% ao pasar de 4 a 9...

Modificado o ( viernes, 10 de mayo de 2019 )
Leer más...
 
ENTREGA DO PREMIO 8 DE MARZO 2019
Escrito por Igualdade UGT Coruña-Cee   
miércoles, 06 de marzo de 2019

 UGT Coruña conmemora o día da muller traballadora coa entrega do premio 8 de marzo a Sisi Ríos Vázquez

Foto de Ugt A Coruña.


 

 A Unión Xeral de Traballadores conmemorou o Día Internacional da Muller Traballadora ás 11: 00 horas co Acto conmemorativo do e entrega do Premio 8 Marzo de 2019 a Sisi Ríos Vázquez, presidenta do Comité de Empresa do hospital Modelo da Coruña.

Sisi Ríos conta con máis de 30 anos de traxectoria sindical nun sector altamente feminizado, o sector socio-sanitario, onde as mulleres sofren unha alta temporalidade, precariedade laboral, e no que se evidencian importantes teitos de cristal cos que as mulleres se enfrontan diariamente. 

 No acto interviron Isabel Lema, Secretaria de Igualdade da Unión Intercomarcal de UGT Coruña-Cee, e Raquel Seijas, Secretaria de saúde laboral de UGT Galicia, que abordaron a situación sociolaboral da muller en Galicia e as reivindicacións da UGT en materia de igualdade e conciliación da vida laboral e persoal, así como fixeron un chamamento á homes e mulleres a secundar a folga convocada polas centrais sindicais no vernres 8 de Marzo.

Modificado o ( viernes, 10 de mayo de 2019 )
 
8 de marzo, Día internacional da muller Nin máis, nin menos, igual
Escrito por UGT Coruña-Cee   
jueves, 28 de febrero de 2019
8 de marzo, Día internacional da muller

UGT e CCOO convocan folga xeral para o 8 de marzo, Día Internacional da Muller

UGT celebra, como todos os anos, o 8 de marzo, Día internacional da muller, que este ano conmemórase baixo o lema "Nin máis, nin menos, igual".

UGT e CCOO convocamos ante un novo 8 de Marzo, unha folga xeral, porque ante a situación que estamos a vivir, é fundamental seguir visibilizando, reivindicando e loitando contra as fendas e discriminacións que, por razón de xénero, seguen a existir en todos os eidos da vida, e particularmente no mercado laboral en Galicia, así como pola urxencia de dar resposta ás demandas e as necesidades das traballadoras.

Estamos nun momento en que a igualdade de trato e de oportunidades e os dereitos das mulleres están a ser atacados polo rexurdimento de pensamentos reaccionarios, cuxo obxectivo é eliminar os avances acadados. Ante esta situación, consideramos que nos atopamos nun momento decisivo, porque as violencias machistas non cesan e son necesarios avances no marco do diálogo social e impulsar a negociación colectiva para poñer en marcha medidas e plans de igualdade, para acabar coas fendas de xénero (en especial, a salarial), para poder exercer a corresponsabilidade nos coidados, para unha educación igualitaria e feminista e para avanzar na representación paritaria.

"A sociedade ten a oportunidade de responder este 8 de Marzo porque a desigualdade entre homes e mulleres é a maior desigualdade entre os seres humanos"

 
Convocamos folga xeral o próximo 8 de marzo e reivindicamos:
  • Medidas efectivas para eliminar as brechas laborais de xénero, en especial a brecha salarial e a precariedade no emprego.

  • Medidas efectivas para a corresponsabilidade e servizos públicos de calidade de conciliación, para que os coidados se repartan equitativamente entre mulleres, homes, a sociedade e o Estado.

  • Dignificar o traballo doméstico e equiparalo laboralmente.

  • Acabar coa segregación laboral e a desvalorización social dos sectores feminizados.

  • Conseguir un sistema de protección social igualitario que garanta a equidade en condicións de vida das mulleres.

  • Previr a feminización da pobreza, lograr unha Renda Mínima Garantida e melloras do SMI e dos soldos, acabando coa brecha salarial nas pensións.

  • Lograr a igualdade en recoñecemento e representación.

  • Lograr unha educación igualitaria, feminista, de calidade, libre de lgtbfobia, que eduque en corresponsabilidade, sen segregación académico-laboral, que utilice unha linguaxe inclusiva e igualitaria.

  • Por un consumo respectuoso e sustentable, que non supoña custos ambientais á sociedade, cuns modos de produción que respecten dereitos e condicións laborais.

  • Políticas de igualdade eficaces, con estruturas estables e do máis alto rango na xerarquía institucional, con recursos suficientes, persoal cualificado, programas realistas, e con orzamentos proporcionais á magnitude dos problemas que enfrontan.

  • Partidas orzamentarias suficientes nos PGE destinadas aos programas de igualdade e contra a violencia de xénero, atendendo ás recomendacións do informe do CEDAW e as obrigas do Convenio do Consello de Europa sobre prevención da violencia contra as mulleres (Istambul 2011).

 

Modificado o ( viernes, 10 de mayo de 2019 )
Leer más...
 
<< Inicio < Anterior 1 2 3 4 5 6 7 8 9 10 Siguiente > Final >>

Resultados 1 - 19 de 736